Hestories de tierra, tradición y carbón
Los centros visitables y museos del Monte Central dexen afayar les hestories que non siempres se ven a la primer vista. El prerrománicu de L.lena, la cultura del horru en Bueño, la vida cotidiana de los pueblos, la tradición llechera de Morcín y, especialmente, la memoria minera de Mieres atopa equí espacios onde se caltienen, esplíquense y tresmítense. Percorrer el Pobláu Mineru de Bustiello, averase al Pozu Espinos o conocer el Pozu Fortuna ayuda a entender cómo’l carbón tresformó’l paisaxe y la vida de delles xeneraciones.
Otros equipamientos, como los museos etnográficos de Gal.legos, Cenera o La Foz, amuesen una realidá más doméstica, venceyada al trabayu rural, los oficios, l’alimentación y el costumes locales. Nun son simples colecciones d’oxetos: son llugares que ponen contestu al territoriu y dexen entender meyor los sos pueblos, el so patrimoniu y la forma en que’l Monte Central aportó a lo que ye güei.
